Cristiano Ronaldo បានឈ្នះពានឯកត្តជនប្រចាំខែចំនួន ២ គឺនាមគ្រាប់បាល់ល្អបំផុត និងជាកីឡាករល្អបំផុតសម្រាប់ខែមិនាកន្លងទៅ។ ការលេងឲ្យ Man Utd កីឡាករព័រទុយហ្គាល់ ធ្វើបានល្អខ្លាំងកាលពីខែមុន ជាពិសេសប្រកួតទល់ក្លឹប Tottenham Hotspur ដែលរកបាន Hat-trick។
បុរសវ័យ ៣៧ ឆ្នាំ បានបង្ហោះសារលើ Instagram បែបនេះ៖ “សមិទ្ធផលបុគ្គល តែងតែត្រូវទទួលបានការស្វាគមន៍ តែវាក៏កាន់តែមានតម្លៃ ពេលយើងសម្រេចបានតាមរយៈការរួបរួមគ្នា នៅមានរឿងជាច្រើនទៀត ដែលយើងត្រូវតស៊ូរហូតដល់ចុងបញ្ចប់នៃរដូវកាលនេះ”។
លោកបន្តទៀតថា៖ “ហើយយើងក៏មិនអាចបោះបង់បានដែរ ដរាបណាគោលដៅរបស់យើងមិនទាន់សម្រេចបាន ហើយយើងមានលទ្ធភាពក្នុងការសម្រេចវា អរគុណដល់អ្នករាល់គ្នា សម្រាប់ការបោះឆ្នោតឲ្យខ្ញុំឈ្នះជាកីឡាករល្អបំផុតនិង គ្រាប់បាល់ល្អបំផុតប្រចាំខែ តុះយើងបោះជំហានទៅមុខទៀត យើងនឹងខិតខំដល់ដង្ហើមចុងក្រោយ, បិសាចក្រហម”។ រំឭកថា ប្រកួតបន្ទាប់របស់ក្រុមដឹកនាំដោយលោក Ralf Rangnick គឺកំណត់ត្រូវប៉ះ Everton នៅថ្ងៃសៅរ៍ វេលាម៉ោង ០៦:៣០ នាទីល្ងាច មានផ្សាយផ្ទាល់លើទំព័រ CTS Sports៕
ប្រភព៖ Instagram