ក្រុមដឹកនាំដោយលោក Jurgen Klopp គឺហង្សក្រហម Liverpool ត្រូវបានគេរាយការណ៍ថា កំពុងចាប់អារម្មណ៍ចង់បានខ្សែបម្រើការពារនៃក្លឹប West Ham United ដែរហើយនៅពេលចុងក្រោយ នោះគឺកីឡាករតម្លៃរយលាន Declan Rice។
តាមការប្រកាសពីក្លឹប West Ham ថ្ងៃមុន យ៉ាងតម្លៃយ៉ាងតូច គឺ ១៥០ លានផោន ទើបព្រមគិតគូរអនុញ្ញាតឲ្យកីឡាករអង់គ្លេសចាកចេញ នៅទីផ្សារដោះដូររដូវក្តៅខាងមុខ។ មានទាំងក្លឹប Chelsea និង Man Utd ជាដើម ដែលចាប់អារម្មណ៍ទៅលើ Rice ឥឡូវមកថែម Liverpool មួយទៀតហើយ។ នេះបើតាមសារព៧ត៌មាន Football Insider បានចុះផ្សាយ។
ប្រភពបន្តថា ក្លឹបម្ចាស់ដី Anfield មានជម្រើសពីរក្នុងដៃ ដោយរវាង Jude Bellingham និង Declan Rice ដែលពួកគេសុទ្ធជាកីឡាករមានតម្លៃខ្ទង់រយលានប្រហែលគ្នា។ យ៉ាងណាគេជឿថា របៀបលេងរបស់ Rice ប្រាកដជានឹងអាចសម្របបានឆាប់រហ័សក្រោមការដឹកនាំរបស់គ្រូសញ្ជាតិអាល្លឺម៉ង់ខាងលើ។
គួរបញ្ជាក់ថា កីឡាករវ័យ ២៣ ឆ្នាំ បានមកចូលរួមឲ្យ West Ham ចាប់តាំងពីឆ្នាំ ២០១៧ ដោយបង្ហាញខ្លួនសរុប ១៨៣ ប្រកួត រកបាន ៩ គ្រាប់និង Assist ៩ លើក។ គេសេសសល់សុពលភាពកុងត្រា ដល់ចុងខែមិថុនា ឆ្នាំ ២០២៤ តែពេលចុងក្រោយ នៅរាប់ជាចំណែកខ្វះពុំបាន របស់អ្នកចាត់ការលោក David Moyes៕
ប្រភព៖ Football Insider