មានបេក្ខភាពជាច្រើន ដែលគេរំពឹងខ្ពស់ នឹងអាចក្លាយជាអ្នកចាត់ការពេញសិទ្ធថ្មីនៅក្លឹប Manchester United តួយ៉ាងគឺលោក Erik ten Hag, Mauricio Pochettino, Brendan Rodgers និង Luis Enrique ជាដើម។ តែយ៉ាងណាមួយក្នុងចំណោមនោះ គឺ Enrique ជាគ្រូជម្រើសជាតិអេស្ប៉ាញ បានប្រកាសដកខ្លួនហើយ។
បុរសវ័យ ៥១ ឆ្នាំ បានបញ្ជាក់ច្បាស់ៗថាគ្មានផ្លូវដែលលោកនឹងទទួលយកសំណើក្លឹបណាមួយឡើយ មុនចប់ព្រឹត្តិការណ៍ FIFA World Cup ២០២២។ ដូច្នេះមានន័យថា កំឡុងរដូវក្តៅខាងមុខ គឺ Enrique នឹងមិនចាកចោលពីតំណែងជាអ្នកចាត់ការក្រុមគោជល់ជាដាច់ខាត។
អតីតគ្រូ Barcelona ទម្លាយថា៖ “ខ្ញុំនឹងទៅចូលរួមនៅកាតារជាមួយជម្រើសជាតិអេស្ប៉ាញនៅចុងឆ្នាំ ដោយខ្ញុំអត់លេបសម្តីទេ គ្មានអ្វីដែលធំជាងការតំណាងឲ្យជម្រើសជាតិរបស់យើងនៅ World Cup ទៀតនោះឡើយ រួចរឿងបន្ទាប់បែបណា យើងនឹងរង់ចាំមើលទាំងអស់គ្នា”៕
ប្រភព៖ Daily Mail