ក្រុមបិសាចក្រហម Manchester United បានធ្លាក់ចេញពីពានរង្វាន់ UEFA Champions League ទៅហើយ ដោយចាញ់ក្រុម Atletico Madrid ១-០ នៅជើងទី២នេះ ខណៈជើងទី១កន្លងទៅស្មើគ្នា ១-១។
លេងនៅដីខ្លួនឯង Man Utd បានបង្កើតឱកាសនិងគ្រប់គ្រងបាល់ច្រើនដែរ តែមិនអាចទម្លាយសំណាញ់ទីរបស់ក្រុម AT Madrid បានឡើយ។ ផ្ទុយទៅវិញនៅនាទី៤១ Renan Lodi ក៏រកគ្រាប់បាល់ឱ្យក្រុមរបស់លោក Simeone បាន ហើយវាក៏ជាគ្រាប់បាល់ជ័យជម្នះក្នុងការប្រកួតផងដែរ។ ដូច្នេះចប់ការប្រកួត Man Utd ០-១ AT Madrid សរុបទាំងពីរជើង ១-២។
ចាញ់ប្រកួតនេះដែរ ក៏បានធ្វើឱ្យ Man Utd លេង៥រដូវកាលមកហើយមិនស្គាល់ជាតិការឈ្នះពានរង្វាន់ម្ដងនោះទេ។ បើទោះជាពួកគេបានដូរគ្រូ និងទិញកីឡាករថ្មីចូលជាច្រើននាក់ក្ដី តែលទ្ធផលនៅមិនប្រែប្រួលអ្វីឡើយ ក្រុមនៅតែធ្វើមិនបានល្អដដែល៕ ប្រភព៖ DailyMail
