លោក Xavi អ្នកចាត់ការក្រុម FC Barcelona បាននិយាយថាវត្តមានរបស់ខ្សែប្រយុទ្ធ Aubameyang គឺដូចជាកាដូធ្លាក់ពីលើមេឃមកឱ្យក្រុមខ្លួនអិចឹង។
Aubameyang បានមកចូលរួមជាមួយក្រុម Barcelona ដោយមិនមានតម្លៃខ្លួនទេ ក្រោយពីរូបគេចែកផ្លូវគ្នាជាមួយក្រុម Arsenal មក។ វត្តមានរបស់ខ្សែប្រយុទ្ធនេះ ឃើញថាក្រុមអ្នកមានបុណ្យទទួលបានលទ្ធផលល្អណាស់។ ពួកគេឈ្នះការប្រកួតជាប់ជានិច្ច ហើយក៏មានចំណែករកគ្រាប់បាល់ពីសំណាក់ខ្សែប្រយុទ្ធ Aubameyang ផងដែរ។
លោក Xavi បាននិយាយពីវត្តមានរបស់អតីតកីឡាករ Dortmund ខាងលើថា៖ “Auba ជាកាដូរល្អបំផុតដែលយើងទទួលបានពីលើមេឃមក ព្រោះគាត់តែងតែវិជ្ជមានសម្រាប់គ្រប់គ្នាជានិច្ច។ គាត់រស់រាយនៅបន្ទប់ផ្លាស់សំលៀកបំពាក់ និងងាយយល់ជាមួយសមាជិកដទៃទៀត។ គាត់យល់ច្បាស់ពីកន្លែងត្រូវលេង និងបង្កើតឱកាសច្រើនសម្រាប់កីឡាករដទៃទៀត។ គាត់ប្រឹងប្រែងណាស់សម្រាប់ជួយក្រុម”៕ ប្រភព៖ Marca