ក្លឹបបិសាចក្រហម Manchester United ដ្បិតមិនអាចបន្តកុងត្រាថ្មី សម្រាប់ Juan Mata តែក៏មិនចង់បាត់បង់រូបគេនោះដែរ ផ្ទុយទៅវិញចង់រក្សាវត្តមានបុរសសញ្ជាតិអេស្ប៉ាញដដែល តែមិនមែនក្នុងនាមជាកីឡាករឡើយ។
បើតាមសារព័ត៌មាន The Sun ចុះផ្សាយថា ក្លឹបម្ចាស់ដី Old Trafford កំពុងចរចាចង់ផ្តល់តំណែងថ្មីសន្លាងមួយដល់ Mata នោះគឺជាផ្នែកមួយនៃ ក្រុមគ្រូបង្វឹកប្រចាំក្លឹប បន្ទាប់ពីគេត្រូផុតកុងត្រា និងក្លាយជាកីឡាករឥតតម្លៃផ្ទេរ នៅបញ្ចប់រដូវកាលខាងមុខ។
បញ្ជាក់ឲ្យដឹងថា បុរសវ័យ ៣៣ ឆ្នាំ ដ្បិតបើសឹងតែបាត់មុខពីទីលាននៅពេលចុងក្រោយ តែឱកាសនៃការវិលត្រលប់ទៅលើទីលានជាថ្មី គឺនៅតែមាន ព្រោះអីលឺថាមានក្លឹបនៅអ៊ីតាលី និងអេស្ប៉ាញក៏ចាប់អារម្មណ៍ចង់បានគេផងដែរ។ ខ្សែបម្រើសញ្ជាតិអេស្ប៉ាញ រាប់បានជាកីឡាករកាន់ឆ្នាំនៅ United ដោយឈរជើងតាំងពីឆ្នាំ ២០១៤ ហើយសរុបស្ថិតិបង្ហាញខ្លួន គឺ ២៧៧ ប្រកួត រកបាន ៥១ គ្រាប់និង Assist ៤៧ លើកឲ្យក្លឹប៕
ប្រភព៖ TheSun