លោក Al-Khelaifi ប្រធានក្លឹប PSG មិនសប្បាយចិត្តនោះទេចំពោះបរាជ័យទល់ក្រុម Real Madrid ជាពិសេសការផ្ដល់គ្រាប់បាល់ទី១របស់អាជ្ញាកណ្ដាលឱ្យទៅ Karim Benzema តែម្ដង។
ក្រុម PSG បានបើកការនាំមុខទៅលើក្រុមម្ចាស់ផ្ទះ Real Madrid ម្ដងទៀតទៅហើយនៅ
តង់ទី១ ប៉ុន្តែឈានដល់តង់ទី២ ពួកគេមិនអាចបិទជាប់នោះទេ។ ក្រុមអធិរាជស បានវាយបកមកវិញ ដោយ Karim Benzema រកបានដល់ទៅ៣គ្រាប់ម្នាក់ឯងឯណោះដើម្បីយកឈ្នះលើក្រុម PSG ៣-១ នៅជើងទី២ ហើយសរុបទាំងពីរជើង ៣-២ បានឡើងទៅវគ្គ៨ក្រុមចុងក្រោយ។
ការវាយបកនេះហើយធ្វើឱ្យក្រុមថ្នាក់ដឹកនាំ PSG ខឹងខ្លាំងមែនទែន ជាពិសេសការផ្ដល់គ្រាប់បាល់ទី១ឱ្យទៅខ្សែប្រយុទ្ធ Karim Benzema តែម្ដង។ លោក Al-Khelaifi ប្រធានក្លឹប PSG បានដើរទៅរកក្រុមមន្ត្រីអាជ្ញាកណ្ដាលដើម្បីរិះគន់ចំពោះការសម្រេចចិត្តនោះ ដោយលោកអះអាងថាមិនសមផ្ដល់ឱ្យនោះទេ ព្រោះ Benzema បានបង្កកំហុសទៅលើអ្នកចាំទី Gianluigi Donnarumma ទៅហើយ៕ប្រភព៖ MARCA