ខ្សែប្រយុទ្ធសញ្ជាតិប៉ូឡូញ Robert Lewandowski រកបានដល់ទៅ ៣ គ្រាប់ម្នាក់ឯង នៅចំណោមគ្រាប់បាល់ទាំង ៧ របស់ Bayern Munich ដែលបានយកឈ្នះទៅលើ Red Bull Salzburg នៅជើងទី ២ វគ្គ ១៦ ក្រុម UEFA Champions League ក្នុងទឹកដីអាល្លឺម៉ង់ កាលពីយប់មិញ។
ជាមួយគ្រាប់បាល់សារនេះ បុរសវ័យ ៣៣ ឆ្នាំ ក៏បានបង្កើតកំណត់ត្រាប្រវត្តិសាស្រ្តថ្មី យកឈ្នះទៅលើអ្នកគ្រោងចាស់ ជាអតីតកីឡាករក្លឹប AC Milan លោក Simone ប្រើពេល ២៤ នាទី កាលពីប្រកួតវគ្គចែកពូល នាខែកញ្ញា ឆ្នាំ ១៩៩៦។
មកមើល Lewandowski គេប្រើពេល ២៣ នាទី រាប់ចាប់ពេលអាជ្ញាកណ្តាលផ្លុំកញ្ចែចាប់ផ្តើមការប្រកួត។ នេះជាកំណត់ត្រាថ្មី ដែលជឿថា ប្រាកដជានឹងមិនងាយរកឃើញនរណាមកបំបែកទៀតបានឡើយ។ សរុបស្ថិតិជារួមរដូវកាល ២០២១/២២ សម្រាប់កីឡាកររបស់ក្លឹប Bayern គេបង្ហាញខ្លួន ៣៥ ប្រកួត រកបាន ៤២ គ្រាប់និង Assist ៤ លើកឯណោះ៕
ប្រភព៖ Opta