អតីតអ្នកចាត់ការក្លឹប Juventus និងសព្វថ្ងៃកំពុងដឹកនាំ ក្លឹប Lazio គឺលោក Maurizio Sarri បាននិយាយថា Cristiano Ronaldo មូលហេតុដែលមិនអាចរកបានគ្រាប់បាល់ច្រើន គឺមកពីគ្រូពុំបានដាក់ឲ្យគេលេងនៅតំណែងប្រយុទ្ធស្លាប ហើយបែរមកដាក់ឲ្យលេងប្រយុទ្ធកណ្តាល។
រំឭកទៅកាលនៅ Juventus ក្រោមការដឹកនាំរបស់គ្រូមានរហស្សនាម “ស្តេចបារី” នៅ ៤៦ ប្រកួត Ronaldo អាចរកបានដល់ទៅ ៣៧ គ្រាប់។ នេះមកក្លឹប Man Utd ៣០ ប្រកួត ទើបតែរកបាន ១៥ គ្រាប់ប៉ុណ្ណោះ ពោលក៏មិនរំពឹងថា អាចឈានដល់ ២០ គ្រាប់ងាយៗដែរនៅបញ្ចប់រដូវកាល។
លោក Sarri និយាយ៖ “ឆ្នាំដែល Ronaldo រកបានគ្រាប់បាល់ច្រើនបំផុតនៅទឹកដីអ៊ីតាលី គឺស្ថិតក្រោមការដឹកនាំរបស់ខ្ញុំ ពេលនោះ គេត្រៀមសម្រាប់លេងប្រយុទ្ធកណ្តាលតែក្នុងករណីចាំបាច់ប៉ុណ្ណោះ ជារួមទៅ គេអត់ចូលចិត្តលេងប្រយុទ្ធកណ្តាលជាទម្លាប់ពេកឡើយ”។
លោកបន្ត៖ “ដូច្នេះកុំបង្ខំគេឲ្យលេងតំណែងនោះអី Ronaldo គេអាចរកបាន ៤០ ឬ ៥០ គ្រាប់ តាមរយៈការលេងតំណែងហ្សីនរបស់គេ ជាជាងការលេងនៅកណ្តាល ដូច្នេះហើយបើធ្វើដូចសព្វថ្ងៃ គឺអត់មានន័យអីទេ”៕
ប្រភព៖ BeSoccer