ពានរង្វាន់ក្នុងស្រុក នៅឯអង់គ្លេស រាប់បានថា Carabao Cup នេះគឺទទួលបានប្រាក់រង្វាន់ទាបជាងគេហើយ បើធៀបនឹងពានឯទៀតមានដូចជា FA Community Shield និង FA Cup ក៏ដូចជា Premier Legaue ដែលបានខ្ទង់លានដុល្លារ។
ងាកមក ជ័យជម្នះដែល Liverpool ទើបតែយកឈ្នះទៅលើ Chelsea ថ្ងៃមុន គឺទទួលបានប្រាក់តែ ១០០ ០០០ ផោនប៉ុណ្ណោះ។ នេះមិនស្មើនឹងប្រាក់ពលកម្មរបស់ Naby Keita ក៏ដូចជា Oxlade Chamberlain មួយអាទិត្យផង [អ្នកទាំងពីរ ១ សប្តាហ៍បាន ១២០ ០០០ ផោន]។
បើតាមសារព័ត៌មាន The Mirror ចុះផ្សាយថា គណៈរៀបចំកម្មវិធីផ្តល់ប្រាក់រង្វាន់សរុប ២០០ ០០០ ផោន ដោយបែងចែកទៅឲ្យក្រុមឡើងដល់វគ្គពាក់កណ្តាលផ្តាច់ព្រ័ត្រ មាន Arsenal និង Tottenham ម្នាក់ ២៥ ០០០ ផោន ហើយក្រុមឈ្នះជើងឯករង គឺ Chelsea បាន ៥០ ០០០ ផោន រីឯក្រុមឈ្នះជើងឯក Liverpool បាន ១០០ ០០០ ផោន។ ប្រាក់រង្វាន់នេះ ទាបខ្លាំង បើធៀបនឹង FA Cup ដែលបាន ៣,៤ លានផោន តែយ៉ាងណាចំណូលផ្សេងទៀត ក្លឹបអាចទទួលបានគឺការលក់សិទ្ធផ្សព្វផ្សាយឲ្យប៉ុស្តិ៍ទូរទស្សន៍ ក៏ដូចជាសំបុត្រចូលទស្សនាផ្ទាល់ក្នុងកីឡដ្ឋាន នោះទើបជាចំណូលធំ៕
ប្រភព៖ The Mirror