លោក Ralf Rangnick មានបំណងចង់ដកតំណែងប្រធានក្រុម Manchester United ពីកីឡាករ Harry Maguire ទៅឱ្យកីឡាករ Cristiano Ronaldo វិញចាប់ពីពេលនេះរហូតដល់ចប់រដូវកាល។
ប្រភពនៅអង់គ្លេស បានអះអាងថាលោក Rangnick បានហៅ Ronaldo និង Maguire មកជួបកាលពីពេលថ្មីៗនេះ ដើម្បីនិយាយពីតំណែងប្រធានក្រុម Man Utd ។ ដោយបំណងរបស់អ្នកចាត់ការសញ្ជាតិអាល្លឺម៉ង់ខាងលើចង់ឱ្យ Ronaldo ពាក់ស្លាកប្រធានក្រុម រហូតដល់ចប់រដូវកាល ពោលគឺដកចេញពីកីឡាករ Maguire ហើយ។ តែយ៉ាងណា ប្រភពក្រៅផ្លូវការក៏អះអាងថាខ្សែការពារជម្រើសជាតិអង់គ្លេស បានបដិសេធសំណើរ ដោយមិនចង់បាត់បង់តំណែងនោះទេ។
ការអះអាងជាច្រើនទៀតក៏បញ្ជាក់ដែរថាទោះមិនបានតំណែងប្រធានក្រុមមែន ប៉ុន្ដែ Ronaldo នៅតែចង់ឱ្យកីឡាករក្នុងក្រុមទាំងអស់គាំទ្រនិងស្ដាប់តាមសម្ដីរបស់ Maguire លើទីលាន បើទោះជាលោក Rangnick លែងមានជំនឿចិត្តថាអតីតកីឡាករ Leicester City នេះ អាចបញ្ជាកូនក្រុមបានទៀតហើយក៏ដោយ៕ប្រភព៖ DailyMail
