ក្រុមអ្នកគាំទ្រ Manchester United មានឱកាសអាចយកអាវដែលពួកគេទិញមានឈ្មោះ Manson Greenwood អាចទៅដូរយកអាវថ្មីបាន គ្រប់ Store ដែលមានលក់ទាំងអស់។
ដោយសារតែបញ្ហាធ្វើបាបមិត្តស្រីកន្លងទៅ បានធ្វើឱ្យ Greenwood ត្រូវក្លឹប Man Utd ដកឈ្មោះចេញ ពីគ្រប់ផលិតផលរបស់ក្លឹបទាំងអស់ រួមទាំងផលិតផលខោអាវផងដែរ។ រហូតដល់ពេលនេះ ក្លឹបបានប្រកាសថែមទៀតថាប្រសិនបើអ្នកគាំទ្រណាបានទិញអាវរបស់ខ្សែប្រយុទ្ធខាងលើ នោះពួកគេអាចយកទៅដូរអាវថ្មីបាន ដោយមិនគិតប្រាក់នោះទេ។
រហូតមកដល់ពេលនេះ ខ្សែប្រយុទ្ធវ័យ២០ឆ្នាំខាងលើ ត្រូវបានចេញពីគុកហើយ ក្រោយពីជាប់៣យប់មក។ យ៉ាងណា បទចោទប្រកាន់របស់គេនៅមានដដែល ដោយគ្រាន់តែមេធាវីអាចធានាខ្លួនចេញពីក្រៅឃុំប៉ុណ្ណោះ៕ ប្រភព៖ DailyMail
