ខ្សែប្រយុទ្ធ Aubameyang បានសម្រេចចិត្តចូលរួមជាមួយក្រុម FC Barcelona ហើយ បន្ទាប់ពីរូបគេបានចាកចេញពីក្រុម Arsenal ទៅហើយនោះ។
កីឡាករវ័យ៣២ឆ្នាំខាងលើ មិនបានលេងឱ្យក្រុមកាំភ្លើងធំ តាំងពីខែធ្នូចុងឆ្នាំ២០២១ម្ល៉េះ ក្រោយពីមានរឿងជាមួយថ្នាក់ដឹកនាំក្លឹប។ តែយ៉ាងណា អំឡុងពេលលេងនៅក្លឹបនេះ រូបគេបង្ហាញខ្លួនបាន១៦៣ប្រកួត និងរកគ្រាប់បាល់បាន៩២គ្រាប់ផងដែរ។ ក្រុម Barcelona សម្រេចចិត្តយករូបគេនេះ ក៏ព្រោះមិនមានតម្លៃខ្លួនផ្ដាច់កុងត្រានោះទេ ក្រោយខ្សែប្រយុទ្ធ Aubameyang និង Arsenal សម្រេចចែកផ្លូវគ្នាតែម្ដង។
ការចាកចេញរបស់កីឡាករដែលក្លឹប Arsenal ទិញក្នុងតម្លៃ៥៦លានផោននេះ ក៏នឹងជួយក្រុមវិញសន្សំសំចៃប្រាក់ឈ្នួលបាន១៥លានផោនផងដែរ ព្រោះកុងត្រារបស់គេនៅមាន។ តែផលល្អនេះដែរ ក៏មានផលអាក្រក់ក្នុងនោះវិញដូចគ្នា ព្រោះក្រុមរបស់លោក Arteta នៅសល់ប្រយុទ្ធតែ២នាក់ទេតំបន់ខាងលើ គឺ Alexandre Lacazette និង Eddie Nketiah៕ ប្រភព៖ BCC
