បន្ទាប់ពីយកបានខ្សែការពារស្លាប Kieran Trippier និងខ្សែប្រយុទ្ធជួរមុខ Chris Wood ឥឡូវក្លឹប Newcastle United ត្រូវបានគេរាយការណ៍ ថាបានសម្រេចការនាំយកខ្សែបម្រើចំណូលថ្មីមួយរូបទៀតហើយ ចេញពីក្លឹប Lyon នៃក្របខ័ណ្ឌបារាំង។
នោះគឺ Bruno Guimaraes ដែលមានតម្លៃផ្ទេរ ៤០ លានអឺរ៉ូ ហើយលឺថា ក្លឹប Newcastle និង Lyon បានចរចាគ្នាត្រូវរ៉ូវអស់ហើយ បើទោះបីកន្លងមក ធ្លាប់មានក្លឹបយក្ស Arsenal និង Juventus តាមក្រវែលមើលឥតឈប់។ នេះបើតាមសារព័ត៌មាន L’Equipe បានចុះផ្សាយ។
ជាងនេះ ខាងក្លឹបសារិកាព្រៃ ក៏នឹងផ្តល់ថ្លៃពលកម្មប្រហាក់ប្រហែល ការដែល Lyon ធ្លាប់ផ្តល់ឲ្យកីឡាករវ័យ ២៤ ឆ្នាំ។ រំឭកថា គេជាកូនកាត់ប្រេស៊ីល-អេស្ប៉ាញ លេងតំណែងបម្រើការពារ ហើយអតីតកាលមិនធ្លាប់លេងឲ្យក្លឹបនៅឯអង់គ្លេសនោះទេ ដូច្នេះសារនេះ រាប់ជាលើកទី ១ ហើយក្នុងអាជីព៕
ប្រភព៖ L’Equipe