ក្រុម FC Barcelona បានដាក់សម្ពាធទៅលើខ្សែប្រយុទ្ធ Dembele ចំពោះរឿងកុងត្រាថ្មីរបស់គេថានឹងបន្ដលេងនៅ Barcelona ទៀត ឬចាកចេញរកក្លឹបថ្មី។
អនាគតខ្សែប្រយុទ្ធវ័យ២៤ឆ្នាំខាងលើនៅមិនទាន់សម្រេចជាផ្លូវការនៅឡើយទេ ខណៈដែលកុងត្រាគេអស់ត្រឹមរដូវកាលនេះហើយ។ ដោយក្រុម Barcelona ចង់ឱ្យគេបន្ដលេងទៀតតែបន្ថយប្រាក់ឈ្នួលខ្លះ តែសាមីខ្លួនចង់បានពេញដូចដើម ឬមិនដូច្នេះទេនឹងរកក្លឹបថ្មីលេងវិញ។ ដោយសារតែមិនច្បាស់លាស់នេះហើយ ទើបក្រុម Barcelona ដាក់សម្ពាធលើកីឡាករបារាំងនេះ ឱ្យសម្រេចចិត្តនៅត្រឹមថ្ងៃចន្ទសប្ដាហ៍ក្រោយពីអនាគតខ្លួន។ ប្រសិនបើមិនដាច់ស្រេចទេ ក្រុម Barcelona នឹងមិនដាក់គេឱ្យលេងប្រកូតទៅមុខទៀតឡើយ។
ជាមួយសម្ពាធនេះដែរ ត្រូវបានភ្នាក់ងាររបស់ Dembele ឆ្លើយថានឹងមិនអាចធ្វើអ្វីបានឡើយ។ វិធានការណ៍នេះ ក៏នឹងធ្វើឱ្យពួកគេអាចបាត់ខ្សែប្រយុទ្ធវ័យក្មេងម្នាក់នេះដែរ ខណៈដែលក្លឹបអ្នកមានបុណ្យមិនព្យាយាមចរចារកដំណោះស្រាយពិតប្រាកដដើម្បីឈានដល់ការបន្ដកុងត្រាថ្មីផងនោះ៕ ប្រភព៖ DAILYMAIL
