ខ្សែការពារស្លាប Luke Shaw បានចុចឈ្មោះវីរបុរស ២ រូប ដែលខ្លួនចង់សហការរួមជើងលើទីលានជាមួយ តែប្រហែលជាគ្មានថ្ងៃនោះទេ ព្រោះអ្នកទាំងពីរ សុទ្ធសឹងជាកីឡាករចូលនិវត្តច្រើនឆ្នាំមកហើយ។
នោះគឺអតីតខ្សែការពារស្លាប Ashley Cole នៃក្លឹប Chelsea និងខ្សែបម្រើនៅក្លឹប Man Utd គឺ David Beckham។ រំឭកថា Beckham បានឈរជើង ៣៨៨ ប្រកួតសរុបឲ្យ United រកបាន ៨៥ គ្រាប់និង Assist ១០៥ លើក ហើយកំឡុងពេលបម្រើអាជីព លោកក៏ធ្លាប់លើកពានរង្វាន់ Premier League ដល់ទៅ ៦ លើក និង Champions League កាលពីឆ្នាំ ១៩៩៩។
សម្រាប់ Shaw បាននិយាយកាលពីពេលថ្មីៗនេះថា៖ “ជាមួយ Ronaldo ខ្ញុំអត់និយាយទេ ព្រោះខ្ញុំកំពុងបានលេងជាមួយគាត់ហើយ ដោយខ្ញុំបានស្រលាញ់គាំទ្រ Ashley Cole តាំងពីតូច ហើយក៏ចង់លេងជាមួយគាត់នៅថ្ងៃណាមួយដែរ តែវាមិនអាចកើតឡើងទៅបាន”។
លោកបន្ត៖ “បើមិនមែនជា Ashley cole គឺមានអ្នកផ្សេងទៀតដែលខ្ញុំគាំទ្រ រាប់គាត់ជា idol តាំងតែពីខ្ញុំនៅក្មេង នោះគឺ David Beckham ដោយគាត់ជាវីរបុរសនៃក្លឹប Man Utd និងជម្រើសជាតិអង់គ្លេស គាត់ជាគំរូល្អសម្រាប់អ្នករាល់គ្នាក្នុងវិស័យបាល់ទាត់”៕
ប្រភព៖ Sportskeeda