លែងចង់បន្តជាមួយក្លឹប Atletico Madrid ទីបំផុតយើងទទួលដំណឹងមកថា ខ្សែការពារស្លាប Kieran Trippier គិតគូរចង់បែកផ្លូវ និងផ្ទេរទៅក្លឹបនៅក្របខ័ណ្ឌ Premier League នាពេលខាងមុខហើយ តែគោលដៅមិនមែនជាក្លឹប Top 6 នោះទេ។
ផ្ទុយទៅវិញ កីឡាករអង់គ្លេសបានបើកភ្លើងខៀវ ត្រៀមទទួលយកសំណើនៃក្លឹប Newcastle United ដែលដឹកនាំដោយអ្នកចាត់ការលោក Eddie Howe។ បើតាមសារព័ត៌មាន Sportsmail បានឲ្យដឹងថា កីឡាករនិងភាគីក្លឹប គឺបានចរចាគ្នាជាងមួយខែមកហើយ ដោយឥឡូវឈានដល់កិច្ចព្រមព្រៀង រង់ចាំតែការសម្រេច នៅខែមករាខាងមុខប៉ុណ្ណោះ។
Trippier អាចនឹងក្លាយជាកីឡាករស៊ីថ្លៃបំផុតមួយប្រចាំក្លឹប Newcastle ដោយអាចទទួលបានថ្លៃពលកម្មល្បាក់ ១៥០ ០០០ ផោន/សប្តាហ៍។ រីឯជុំវិញតម្លៃផ្ទេរ គឺអាចថ្លៃល្បាក់ ២៥ លានផោន ខណៈដែលសុពលភាពកុងត្រាត្រូវផុតនៅចុងខែមិថុនា ឆ្នាំ ២០២៣។ ក្រៅពី Newcastle កន្លងមក ក៏ធ្លាប់លឺថាក្លឹប Chelsea និង Man Utd ចាប់អារម្មណ៍ចង់បានគេដូចគ្នា៕
ប្រភព៖ Sportsmail