ខ្សែប្រយុទ្ធ Mohamed Salah រកបាន១គ្រាប់ជួយក្រុមហង្សក្រហម Liverpool យកឈ្នះលើក្រុម Aston Villa បានក្នុងលទ្ធផល ១-០ សម្រាប់ការប្រកួតលីគកំពូលនៅយប់មិញនេះ។
ក្រុមរបស់លោក Jurgen Klopp កំពុងរក្សាកំណត់ត្រាល្អណាស់ឈ្នះគ្រប់ប្រកួតនាប៉ុន្មានប្រកួតចុងក្រោយនេះ។ ខណៈដែល១គ្រាប់របស់ Salah នៅយប់មិញនេះទៀតសោត ក៏ជាគ្រាប់បាល់សំខាន់ជួយក្រុមLiverpool យក៣ពិន្ទុពី Aston Villa បានបន្ថែមទៀតដែរ។ ដោយឈ្នះប្រកួតនេះ ក្រុមហង្សក្រហមមាន៣៧ពិន្ទុ ប្រដេញក្រុមលេខ១ Man City ដែលមាន៣៨ពិន្ទុ ឆ្លងកាត់១៦ប្រកួតដូចគ្នា។
នៅលីគអង់គ្លេសរដូវកាលនេះ មានក្រុម៣កំពុងប្រដេញពិន្ទុគ្នាខ្លាំងមែនទែនគឺ Man City មាន៣៨ពិន្ទុ Liverpool មាន៣៧ពិន្ទុ និងក្រុម Chelsea មាន៣៦ពិន្ទុ។ ពួកគេលេង១៦ប្រកួតដូចគ្នា៕ប្រភព Dailymail
