Cristiano Ronaldo និង Lionel Messi មិនមានវត្តមានក្នុងកម្មវិធី FIFA ប្រចាំឆ្នាំកាលពីយប់មិញនេះទេ បើទោះជាពួកគេទទួលបានពានរង្វាន់ខ្លះក៏ដោយ។
ការអវត្តមាននេះដែរ ត្រូវបានមតិជាច្រើនរិះគន់ទៅលើកីឡាករទាំងពីរ ត្បិតអីពួកគេដឹងខ្លួនថាមិនឈ្នះពានល្អជាងគេលើលោក ទើបមិនចូលរួមកម្មវិធីប្រកាសអ្នកឈ្នះតែម្ដង។ សូម្បីតែ Luka Modric ដែលជាអ្នកឈ្នះពាន FIFA Best Player of The Year ក៏បាននិយាយដែរថា៖ “ពួកគេ អវត្តមានដោយមានហេតុផលពួកគេ។ ប៉ុន្តែខ្ញុំពិតជាចង់ឃើញគេនៅទីនេះណាស់មិនមែនអវត្តមានអីចឹងនោះទេ”។
ដោយឡែកមតិដទៃទៀតបានហៅការមិនចូលរួមនេះ គឺជាការមិនផ្ដល់តម្លៃដល់វិស័យបាល់ទាត់។ ជាពិសេសមិនផ្ដល់តម្លៃដល់ FIFA តែម្ដង ដែលជាអ្នកដឹកនាំធំក្នុងបាល់ទាត់ពិភពលោក។ ពួកគេទាំងពីរ ត្រូវបានគ្រប់គ្នាដឹងហើយថា មិនចង់ចាញ់គេឡើយ ប៉ុន្តែកីឡាតែងមានចាញ់មានឈ្នះ ត្រូវទទួលស្គាល់ការពិត៕ប្រភពDailyMail
