លោក Jose Mourinho បានទិញស្បែកជើងឱ្យ១គូឱ្យទៅកីឡាករ Felix Afena-Gyan ក្រោយពីរូបគេរកគ្រាប់បាល់ជួយក្រុម Roma ឈ្នះក្រុម Genoa កាលពីចុងសប្ដាហ៍កន្លងទៅ។
ការទិញស្បែកជើងឱ្យនេះដែរ ក៏ព្រោះថាលោក Jose បានសន្យាទៅនឹងខ្សែប្រយុទ្ធខាងលើថាប្រសិនបើរូបគេអាចរកគ្រាប់បាល់បាន នោះលោកនឹងទិញស្បែកជើងថ្មីមួយគូរឱ្យ។ ជាលទ្ធផលរូបគេពិតជារកគ្រាប់បាល់ជួយក្រុមឈ្នះមែន ទើបបានជាអ្នកចាត់ការរូបនេះធ្វើតាមសន្យា។ ដោយមិនត្រឹមតែទិញស្បែកជើងនោះទេ Jose ក៏បានដាក់ចេកក្នុងប្រអប់ស្បែកជើងនោះដែរ។
ដោយសារតែវីដេអូនោះមានការចែកចាយច្រើន ហើយអ្នកខ្លះក៏បានវិភាគថាជាការរើសអើងទៀតចំពោះចេកនោះ។ ទើបពេលនេះ សាមីខ្លួនFelix Afena-Gyan បកស្រាយថាលោក Jose ដាក់ចេកឱ្យ ក៏ព្រោះតែរូបគេចូលចិត្តញ៉ាំចេក។ វាមិនមែនជាការរើសអើងអ្វីនោះទេ ផ្ទុយទៅវិញគឺជាការដឹងចិត្តកូនក្រុមរបស់លោក Jose ទៅវិញទេ៕ប្រភព dailymail
