លោក Sir Alex Fugerson ចង់បានលោក Mauricio Pochettino មកដឹកនាំក្រុមបន្ដពីលោក Ole Gunnar Solskjaer ដែលត្រូវក្លឹបបណ្ដេញចេញកាលពីម្សិលមិញនេះ។
លោក Ole ត្រូវបានក្រុម Man Utd បណ្ដេញចេញពីតំណែង ក្រោយដឹកនាំក្រុមមិនបានល្អប៉ុន្មានប្រកួតជាប់គ្នា ជាពិសេសលេងចាញ់ក្រុម Watford ក្នុងលទ្ធផល ៤-១។ ក្រោយពីបណ្ដេញអ្នកចាត់ការន័រវែសចេញទៅ ក្លឹបបិសាចក្រហមក៏កំពុងស្វែងរកអ្នកចាត់ការថ្មីមកដឹកនាំក្រុមបន្ដទៀតដែរ ដោយក្នុងនោះមានបញ្ជីឈ្មោះអ្នកចាត់ការជាច្រើននាក់។
តែបើតាមការចង់បានរបស់លោក Sir Alex វិញ លោកមើលឃើញថាសមត្ថភាពរបស់អ្នកចាត់ការ Pochettino ដែលកំពុងដឹកនាំក្រុម PSG គឺសក្ដិសមបំផុត។ ស្របពេលបុរសសញ្ជាតិអាហ្សង់ទីននេះក៏កំពុងមិនសប្បាយចិត្តក្នុងការដឹកនាំក្រុមនៅបារាំងដែរ ដោយគ្រួសាររបស់លោកនៅអង់គ្លេសនៅឡើយទេ មិនទាន់ផ្លាស់ទៅនៅបារាំងឡើយ។ តែយ៉ាងណា ការទាក់ទងណាមួយរបស់ Man Utd ទោលោក Pochettino នៅមិនទាន់កើតមាននៅឡើយទេ៕ប្រភព Dailymail
