ខ្សែបម្រើ Pedri របស់ក្រុម FC Barcelona នឹងអវត្តមានដល់ឆ្នាំ២០២២ឯណោះ ក្រោយពីរូបគេមានបញ្ហារបួសសាច់ដុំភ្លៅកើតឡើងវិញ។
ក្រោមការដឹកនាំរបស់លោក Xavi ក្រុម Barcelona នឹងផ្ដល់ឱកាសឱ្យក្មេងៗលេងច្រើន ដូចដែលអ្វីលោកបាននិយាយនៅពេលចូលខ្លួនមកដឹកនាំ។ តែយ៉ាងណា មិនទាន់បានលេង១ប្រកួតផង ពេលនេះក្រុម Barcelona មានកីឡាករម្នាក់របួសទៅហើយ។ Pedri បានចូលហ្វឹកហាត់ជាធម្មតាទេ ប៉ុន្តែរូបគេបែរជាមានបញ្ហារបួសកើតឡើងវិញនៅត្រង់សាច់ដុំភ្លៅរបស់គេ។
បើតាមការបញ្ជាក់ខ្សែបម្រើវ័យក្មេងរូបនេះ នឹងអាចអវត្ដមានពីទីលានដល់ឆ្នាំ២០២២ឯណោះ ដើម្បីធានាថានឹងអាចត្រលប់មកវិញបាន១០០%។ តែយ៉ាងណា លោក Xavi ក៏នៅមាន De Jong និង Gavi ដែលអាចលេងបានផងដែរ៕ប្រភព Marca
