ក្រុមហង្សក្រហម Liverpool នៅតែបង្ហាញភាពខ្លាំងរបស់ខ្លួនដដែល ដោយបានយកឈ្នះលើក្រុម Southampton ក្នុងលទ្ធផល ៣-០ ក្នុងការប្រកួតសប្ដាហ៍ទី៦យប់មិញនេះ។
Liverpool ដែលខកខានលើកពានលីគកំពូលអង់គ្លេសរាប់ឆ្នាំមកហើយនោះ ពេលនេះកំពុងតែបង្ហាញភាពខ្លាំងរបស់ខ្លួនវិញហើយ។ ដូចដែលបានឃើញក្នុងការប្រកួតយប់មិញស្រាប់ ពួកគេលេងបានយ៉ាងល្អ ដោយយកឈ្នះលើក្រុម Southampton ដល់៣-០ ឯណោះនៅមុខអ្នកគាំទ្ររាប់ពាន់នាក់របស់ខ្លួន។ ៣គ្រាប់ដែលរកបាននោះ ធ្វើបានសម្រេចដោយ Hoedt ១គ្រាប់ធ្វើឱ្យចូលទីខ្លួនឯង Matip ១គ្រាប់ និង Salah ១គ្រាប់។ គ្រាប់បាល់ទាំងអស់កើតឡើងនៅតង់ទី១។
ជ័យជម្នះនេះដែរ បានធ្វើឱ្យពួកគេឡើងឈរកំពូលតារាងបណ្ដោះអាសន្ន ដោយត្រូវរង់ចាំមើលលទ្ធផលក្រុម Chelsea ដែលជាគូប្រជែងរបស់ខ្លួនសិន។ ប្រសិនបើក្រុមតោខៀវឈ្នះ ចាប់ពី២គ្រាប់ឡើងទៅ នោះ Liverpool នឹងធ្លាក់មកលេខ២វិញហើយ៕ប្រភព៖ dailymail
