ក្រុមកីឡាកររបស់ក្លឹប Real Madrid ទាំងអស់នឹងទទួលបានប្រាក់លើកទឹកចិត្តក្នុងម្នាក់ ២លានផោន (ជិត៣លានដុល្លារ) ប្រសិនបើពួកគេអាចយកឈ្នះ Liverpoolលើកពាន UEFA Champions League បាន។
ជាមួយគ្នានេះដែរ ខាង Liverpool វិញ ហាក់ដូចជាឱ្យតិចជាង Real Madrid ឆ្ងាយ ពោលគឺពួកគេឱ្យកីឡាករទាំងអស់ត្រឹមតែ២សែនផោនប៉ុណ្ណោះ។ ចំនួននេះបើធៀបជាមួយក្រុម Real Madrid វិញ គឺខុសគ្នាខ្លាំង។ យ៉ាងណាមិញ ប្រិយមិត្តអាចស្រមៃបានថា Real Madrid ជាក្រុមការពារតំណែងជើងឯកហើយពួកគេឈ្នះពាននេះបាន១២ដងមកហើយ ដូច្នេះការផ្ដល់ឱ្យកីឡាករត្រឹមម្នាក់ ២លានផោននេះ ហាក់ដូចជាមិនច្រើននោះទេ។
ផ្ទុយទៅវិញ Liverpool ជាក្រុមថ្មីមួយទើបបានឡើងដល់វគ្គផ្ដាច់ព្រ័ត្រនៅឆ្នាំនេះទេ ក្រោយខកខានបង្ហាញវត្តមានប៉ុន្មានឆ្នាំមកហើយ។ ដូច្នេះការផ្ដល់ប្រាក់រង្វាន់លើកទឹកចិត្តកីឡាករក៏អាចតាមហ្នឹងដែរ។
ការប្រកួតវគ្គផ្ដាច់ព្រ័ត្ររវាងក្រុមទាំងពីរខាងលើ នឹងធ្វើឡើងនៅទីក្រុង គៀវ ប្រទេសអ៊ុយក្រែន នាថ្ងៃទី២៦ខែឧសភាឆ្នាំ២០១៨នេះ៕