Lionel Messi រកបាន៣គ្រាប់ម្នាក់ឯង ក្នុងជ័យជម្នះ FC Barcelona ៤-០ PSV វគ្គសន្សំពិន្ទុ តាមពូលពានរង្វាន់ UEFA Champions League កាលពីយប់មិញនេះ។
លេងនៅទឹកដី Barcelona ពិតជាធ្វើឱ្យ PSV ពិបាកមែនទែន ដោយបរាជ័យដល់ទៅ៤គ្រាប់ឯណោះក្នុងការប្រកួតវគ្គសន្សំពិន្ទុនេះ។ Messi ដែលជាប្រធានក្រុមពិតជាធ្វើបានល្អ ដោយរក
បាន៣គ្រាប់ម្នាក់ឯង ក្នុងការលេងបើករដូវកាលថ្មី UCL ។ ខណៈដែល១គ្រាប់ទៀតនោះ រកបានដោយកីឡាករ Dembele ។ គេសង្កេតឃើញថាក្រុម Barcelona លេង ដោយមានទំនុកចិត្ត
បំផុត និងសម្រុកយ៉ាងខ្លាំងទៅលើក្រុមភ្ញៀវ ដើម្បីស្វែងរកគ្រាប់បាល់ឱ្យបានច្រើនបំផុតតាមដែលអាចធ្វើបាន។
Messi ធ្លាប់បាននិយាយថា រដូវកាលនេះខ្លួនឯងនឹងធ្វើគ្រប់យ៉ាង ដើម្បីឱ្យ Barcelona យកពានរង្វាន់ UEFA Champions League ត្រលប់មកឱ្យអ្នកគាំទ្រវិញ ក្រោយខកខានប៉ុន្មានឆ្នាំមកនេះ៕ប្រភពDailyMail