ខ្សែការពារ Dani Alves បានចាកចេញពីក្រុម Sao Paulo ហើយ បន្ទាប់ពីក្លឹបនេះគ្មានលទ្ធភាពដើម្បីផ្ដល់ប្រាក់ឈ្នួលដល់រូបគេទៀតទេ និងថែមទាំងជំពាក់ដល់ទៅ៣លានអឺរ៉ូថែមទៀត។
Alves ជាកីឡាករមានតម្លៃពលកម្មខ្ពស់ជាងគេបំផុតនៅតំបន់អាមេរិកខាងត្បូងនៅពេលរូពគេចូលរួមជាមួយក្រុមដើម Sao Paulo ។ តែដោយសារវិបត្តិកូវីដ១៩ ធ្វើឱ្យក្លឹបគ្មានចំណូល និងមិនមានលទ្ធិភាពដើម្បីផ្ដល់ប្រាក់ឈ្នូលដល់គេទៀតទេ ដូច្នេះហើយទើបបានជាកីឡាករវ័យ៣៨ឆ្នាំនេះសម្រេចចាកចេញតែម្ដងទៅ។ ដោយការចាកចេញនោះដែរ ក្រុម Sao Paulo ក៏នៅជំពាក់គេដល់ទៅ៣លានអឺរ៉ូទៀតដែរ។
កីឡាករដែលឈ្នះពានរង្វាន់ច្រើនបំផុតខាងលើនេះ បច្ចុប្បន្នកំពុងស្ថិតក្នុង Free Agent ដែលមានក្លឹបមួយចំនួនកំពុងចាប់អារម្មណ៍លើគេផងដែរ។ ក្នុងនោះមានក្រុមនៅលីគអាមេរិក និង Boca Junior ក៏ដូចជា River Plate ជាដើម៕ប្រភព Marca
