មានដំណឹងថា ក្លឹបបិសាចក្រហម Man Utd បានរារាំងមិនឲ្យ Donny van de Beek ចាកចេញពីក្លឹប បើទោះបីមានសំណើពីក្លឹបដទៃចង់បាន ហើយវត្តមានរបស់គេនៅ Old Trafford មិនត្រូវបានប្រើប្រាស់ផងនោះ។
បុរសវ័យ ២៤ ឆ្នាំក្រោយផ្ទេរមកបិសាចក្រហមកាលពីឆ្នាំទៅ ២០២០ សរុបមកទល់ពេលនេះ គេទើបបង្ហាញខ្លួនបាន ៣៦ ប្រកួតរកបាន ១ គ្រាប់និង Assist ២ លើក តែភាគច្រើនជាកីឡាករបម្រុង សរុបការជើងជានាទី តែ ១៤៥៦ នាទីប៉ុណ្ណោះ។ សុពលភាពកុងត្រារបស់កីឡាករហូឡង់ត្រូវផុតនៅចុងខែមិថុនា ឆ្នាំ ២០២៥ ហើយហាងឆេងលើទីផ្សារបច្ចុប្បន្នអាចថ្លៃប្រមាណ ៣០ លានអឺរ៉ូ។
មុននេះលឺថា Everton ចង់បាន de Beek នៅថ្ងៃចុងក្រោយបិទទីផ្សារដោះដូរ ហើយត្រឹមតែលក្ខខណ្ឌខ្ចីជើង ក៏ Man Utd បដិសេធមិនយល់ព្រមដែរ។ បើតាមការលើកឡើងពីភ្នាក់ងាររបស់កីឡាករផ្ទាល់លោក Guido Albers បានបង្ហាញការយល់ឃើញថា៖ “ខ្ញុំសុំមិននិយាយច្រើនអំពីអារម្មណ៍របស់ De Beek តែគ្រប់គ្នាដឹងហើយថាគេចង់លេងខ្លាំងណាស់ គេស្រលាញ់បាល់ទាត់ ដូច្នេះខ្ញុំជឿថា អ្នករាល់គ្នាអាចយល់ថាស្ថានភាពបែបណាហើយ”។
បើនៅតែបន្តបែបនេះ តាមស្ថានភាពរបស់យុវជនវ័យ ២៤ ឆ្នាំ អាចនឹងប្រឈមការខ្សត់ឱកាសទៅលេងនៅជម្រើសជាតិថែមទៀតផង ព្រោះក្រោមការដឹកនាំរបស់ Louis van Gaal គឺមើលលើគុណភាព មិនប្រើមនោសញ្ចេតនាដូចកាលជំនាន់គ្រូចាស់ឡើយ៕
ប្រភព៖ Sportsmole