ខ្សែប្រយុទ្ធ Memphis Depay បានបន្ដជួយក្រុម FC Barcelona រកគ្រាប់បាល់ទៀតហើយ ដោយរកបាន១គ្រាប់ក្នុងជ័យជម្នះ ២-១ លើក្រុម Getafe កាលពីយប់មិញនេះ។
បើទោះជាអវត្តមាន Lionel Messi មែន ប៉ុន្តែក្រុម Barcelona នៅតែអាចស្វែងរកជ័យជម្នះក្នុងការប្រកួតបានដដែល។ ជាក់ស្ដែងនៅពេលនេះ Depay ខ្សែប្រយុទ្ធហុល្លង់ដែលលោក Ronald Koeman ទើបនាំចូលនោះ លេងចាប់ផ្ដើមល្អខ្លាំងហើយ ដោយរកគ្រាប់បាល់បានសឹងគ្រប់ប្រកួតទៅហើយ។
នៅយប់មិញនេះ អតីតកីឡាករ Lyon រកបាន១គ្រាប់ដែលជាគ្រាប់បាល់ជ័យជម្នះឱ្យក្រុម Barcelona លើក្រុម Getafe ២-១។ អ្នកគាំទ្រចាប់ផ្ដើមពេញចិត្តជាមួយទម្រង់លេងរបស់កីឡាករវ័យ២៧ឆ្នាំនេះហើយ បន្ទាប់ពីលេងបានល្អ និងក្លាយជាតួអង្គសំខាន់ក្នុងក្រុមនាដើមរដូវកាលនេះ៕ប្រភព៖ MARCA
