ក្រុម Bayern Munich ក្រោមការដឹកនាំរបស់លោក Julian Nagelsmann ក្នុងការប្រកួតមិត្តភាពកន្លងមកនេះ នៅមិនទាន់ស្គាល់ជ័យជម្នះនោះទេ ឆ្លងកាត់៤ប្រកួតមកហើយ។
ដោយ៤ប្រកួតមកនោះ ពួកគេចាញ់ Koln ៣-២ ស្មើ Ajax ២-២ ចាញ់ Borrusia Monchengladbach ក្នុងលទ្ធផល ២-០ និងបន្ដមកចាញ់ក្រុម Napoli ក្នុងលទ្ធផល ៣-០ ទៀត។ ក្នុងការប្រកួតកន្លងមក ពួកគេបានប្រើប្រាស់កីឡាករយុវជនច្រើន ប៉ុន្តែជាក់ស្ដែងនៅយប់មិញប៉ះ Napoli ពួកគេបានប្រើប្រាស់កីឡាករជម្រើសដំបូងច្រើនដែរ តែលទ្ធផលនៅតែមិនល្អ។
ក្រុម Bayern Munich នារដូវកាលនេះ នៅមិនទាន់បានទិញចូលកីឡាករនោះទេ ដោយពួកគេប្រើប្រាស់កីឡាករចាស់ៗនៅក្នុងក្រុម។ ពួកគេនឹងចាប់ផ្ដើមលេងពានរង្វាន់ DFB Pokal ជុំដំបូងនៅថ្ងៃសុក្រសប្ដាហ៍ក្រោយហើយ ដោយប៉ះជាមួយក្រុម Bremer ៕ប្រភព Marca
