ក្រុមបិសាចក្រហម Manchester United នឹងចុះកុងត្រាយកខ្សែការពារ Raphael Varane បាននៅចុងសប្ដាហ៍នេះតែម្ដង បន្ទាប់ពី Real Madrid យល់ព្រមលក់ក្នុងតម្លៃខ្លួន ៣៨,៥លានផោន។
ប្រភពនៅអង់គ្លេសបានបញ្ជាក់ថា Man Utd និង Real Madrid បានចរចាគ្នាត្រូវហើយ។ ដោយក្រុមអធិរាជស ព្រមលក់ខ្សែការពារបារាំងខាងលើក្នុងតម្លៃខ្លួន៣៨,៥លានផោន។ ស្របពេលកីឡាករវ័យ២៨ឆ្នាំក៏បានយល់ព្រមលក្ខខណ្ឌផ្ទាល់ខ្លួនរួចអស់ទៅហើយដែរ ដោយកុងត្រានៅ Old Trafford ដល់ឆ្នាំ២០២៦។
Varane បានចំណាយពេល១០ឆ្នាំជាមួយក្រុម Real Madrid ដោយក្នុងនោះ រូបគេឈ្នះពានរង្វាន់ជាច្រើន ជាពិសេស UEFA Champions League ដល់ទៅ៤ដងឯណោះ។ ខ្សែការពាររូបនេះ នៅជម្រើសជាតិបារាំងវិញ ក៏បានឈ្នះពានរង្វាន់ World Cup កាលពីឆ្នាំ២០១៨ផងដែរ៕ប្រភព Dailymail
