អ្នកគាំទ្រអង់គ្លេសជាច្រើននាក់ បានបង្ហាញការមិនពេញចិត្ត និងរើសអើសចំពោះកីឡាករ៣នាក់ដែលប៉េណាល់ទីមិនចូល ជាពិសេសចំពោះ Saka យុវជនវ័យ១៩ឆ្នាំតែម្ដង។
Bukayo Saka, Marcus Rashford និង Jadon Sancho សុទ្ធតែទទួលបានការរើសអើង និងគំរាមពីសំណាក់អ្នកគាំទ្រ បន្ទាប់ពីពួកគេប៉េណាល់ទីមិនចូលក្នុងការប្រកួតផ្ដាច់ព្រ័ត្រជាមួយក្រុមជម្រើសជាតិអ៊ីតាលី។ ដោយមានសារខ្លះ ចង់សម្លាប់ពួកគេថែមទៀតផង ចំពោះការមិនអាចសម្រេចទីបាននេះ។ ការរើសអើសនេះដែរ បានក្លាយជាប្រធានបទក្ដៅមែនទែននៅអង់គ្លេសនាពេលនេះ។
យ៉ាងណាមិញ Harry Kane ប្រធានក្រុមជម្រើសជាតិអង់គ្លេស បាននិយាយថា៖ “យើងមិនត្រូវការអ្នកគាំទ្របែបនេះឡើយ។ ពួកគេគួរតែទទួលបានការគាំទ្រ និងលើកទឹកចិត្ត មិនមែនជាការវាយប្រហារនោះទេ។ ប្រសិនបើអ្នកបន្ដបង្ហាញការរើសអើងបែបនេះទៀត អ្នកមិនគួរធ្វើជាអ្នកគាំទ្រអង់គ្លេសឡើយ ហើយយើងក៏មិនចង់បានអ្នកដែរ”៕ប្រភព Dailymail
