ខ្សែការពារ Leonardo Bonucci បានចាត់ទុកខ្សែប្រយុទ្ធ Alvaro Morata ជាខ្សែប្រយុទ្ធល្អបំផុតម្នាក់នៅលើលោកនេះ មុនជំនួបរវាងអេស្ប៉ាញ និងអ៊ីតាលីនៅយប់នេះ។
អ៊ីតាលី ដែលកំពុងកាន់កំណត់ត្រាមិនចាញ់៣២ប្រកួតមកហើយនោះ នឹងត្រូវប៉ះជាមួយក្រុមខ្លាំងអេស្ប៉ាញនៅវេលាម៉ោង២រំលងអាធ្រាត្រនេះ នៅវគ្គពាក់កណ្ដាលផ្ដាច់ព្រ័ត្រពានរង្វាន់ Euro 2020 ។ ការប្រកួតនេះដែរ ក្រុមទាំងពីរសុទ្ធតែរំពឹងខ្ពស់ដូចគ្នា ដោយសារតែធ្វើបានល្អនាប្រកួតកន្លងមក។
ខណៈដែលមុនការប្រកួតចាប់ផ្ដើម Bonucci ខ្សែការពារជម្រើសជាតិអ៊ីតាលី បាននិយាយថា៖ “Morata ជាខ្សែប្រយុទ្ធល្អបំផុតម្នាក់នៅលើលោកនេះ។ គាត់មិនត្រឹមតែជាកីឡាករល្អនោះទេ ជាមិត្ដដ៏ល្អ ជាឪពុកដ៏ល្អផងដែរ។ គាត់បានលេងជាមួយខ្ញុំនៅក្លឹប Juventus ផងដែរ”៕ប្រភព Marca
