ក្រុមបាល់ទាត់ជម្រើសជាតិអេស្ប៉ាញ នឹងត្រូវប្រកួតជាមួយក្រុមជម្រើសជាតិស្វីស ក្នុងវគ្គ៨ក្រុមចុងក្រោយពានរង្វាន់ Euro 2020 នៅយប់ម៉ោង១១នេះ។
មុនការប្រកួតនេះចាប់ផ្ដើមលោក Enrique គ្រូបង្វឹកក្រុមជម្រើសជាតិអេស្ប៉ាញមានទំនុកចិត្តខ្ពស់ណាស់ក្នុងការឡើងទៅវគ្គបន្ដ ក៏ដូចជាឈ្នះការប្រកួតទល់ក្រុមស្វីស។ អតីតអ្នកចាត់ការក្រុម Barcelona ខាងលើ បានអះអាងថានៅពេលនេះ គ្មានក្រុមណាលេងបានល្អ ជាងក្រុមអេស្ប៉ាញនោះទេ ជាមួយការប្ដេជ្ញាចិត្ត និងកីឡាករទាំង២៤នាក់មិនមានបញ្ហាឡើយ។
រំលឹកថាអេស្ប៉ាញ មកលេងពានរង្វាន់ Euro 2020 នេះ នាំយកកីឡាករតែ២៤នាក់ប៉ុណ្ណោះ ខុសពីក្រុមដទៃដែលមាន២៦នាក់។ យ៉ាងណាមិញ សម្រាប់ការប្រកួតក្នុងពូលវិញ ពួកគេបើកឆាក២ប្រកួតដំបូងស្មើទាំង២ តែសំណាងល្អប្រកួតទី៣អាចឈ្នះស្លូវ៉ាគីបានក្នុងលទ្ធផល ៥-០៕ប្រភព៖ MARCA
