ខ្សែប្រយុទ្ធ Lionel Messi បានអស់កុងត្រាជាមួយក្រុមអ្នកមានបុណ្យ FC Barcelona នៅត្រឹមថ្ងៃនេះហើយ។ ដោយនេះមានន័យថារូបគេអាចទៅលេងនៅក្លឹបណាក៏បាន តាមដែលខ្លួនចង់។
តាំងពីដើមឆ្នាំ២០២១នេះមក ក្រុមអ្នកមានបុណ្យ Barcelona បានព្យាយាមយ៉ាងខ្លាំងក្នុងការចរចាបន្ដកុងត្រាជាមួយ Messi ទៀត ព្រោះកុងត្រារបស់គេអស់ត្រឹមថ្ងៃទី៣០ខែមិថុនាឆ្នាំ២០២១ហើយ។ យ៉ាងណាមិញ ការព្យាយាមនោះនៅមិនទាន់បានសម្រេចឡើយ ព្រោះកុងត្រាថ្មីតម្រូវឱ្យក្រុម Barcelona ចំណាយប្រាក់ច្រើនទៀត។ តម្លៃពលកម្មរបស់ប្រធានក្រុមរូបនេះ ខ្ពស់ណាស់ ស្របពេលក្លឹបកំពុងមានបញ្ហាហិរញ្ញវត្ថុស្រាប់ផង។
យ៉ាងណាមិញ ទោះជាអស់កុងត្រាយ៉ាងណាក្ដី លោក Laporta ប្រធានក្លឹប Barcelona នៅតែមានទំនុកចិត្តថានឹងបន្ដកុងត្រាបាន ដោយអាចក្នុងពេលឆាប់ៗខាងមុខនេះ ឬរង់ចាំឱ្យ Messi បញ្ចប់ភារកិច្ចនៅជម្រើសជាតិសិនក្នុងពានរង្វាន់ Copa America ៕ប្រភព៖ MARCA
