នៅពូល F បារាំងកំពុងឈរលេខ ១ បណ្តោះអាសន្នមាន ៤ ពិន្ទុស្របពេលអាល្លឺម៉ង់/ព័រទុយហ្គាល់ មាន ៣ ពិន្ទុស្មើគ្នា ហើយហុងគ្រីឈរលេខ ៤ មាន ១ ពិន្ទុ និងដក ៣ គ្រាប់។
គេកំពុងរង់ចាំមើលថា ២ ក្រុមណានឹងឡើងទៅកាន់វគ្គបន្ទាប់ ហើយក្រុមណាដែលត្រូវទៅប្រជែងយកលេខ ៣ ល្អបំផុត មុនមានឱកាសឆ្លងទៅវគ្គ ១៦ ក្រុម។ យ៉ាងណាមុនដល់ការប្រកួតជុំចុងក្រោយនៃវគ្គចែកពូល Thomas Muller កីឡាកររបស់អាល្លឺម៉ង់ ក៏បានចេញមកនិយាយជាមុនថា ក្រុមរបស់ខ្លួនត្រូវការការពង្រឹងបន្ថែម មិនទាន់អាចក្រអឺតក្រទមបាននោះទេ។
ខ្សែប្រយុទ្ធរបស់ Bayern Munich និយាយ៖ “យើងមានចំណុចល្អច្រើន តែក៏នៅតែមានរឿងដែលត្រូវពង្រឹងបន្ថែមដែរ ព្រោះអាចឲ្យយើងរបូតពិន្ទុនៅវគ្គចុងក្រោយ ឥឡូវយើងមាន ៣ ពិន្ទុ តែយើងមិនអាចមិនស្រាល ឬក្រអឺតក្រទមបាននោះទេ គ្រាន់ថាយើងក៏ត្រូវតែជឿជាក់លើគុណភាពរបស់ក្រុមទាំងមូល”។
បញ្ជាក់ថានៅប្រកួតចុងក្រោយ អាល្លឺម៉ង់មានភាគរយអាចឡើងទៅច្រើន ព្រោះប៉ះហុងគ្រីក្នុងទឹកដីខ្លួនឯង ងាយនឹងយកបាន ៣ ពិន្ទុ ខណៈបារាំង/ព័រទុយហ្គាល់ គឺត្រូវមានក្រុម ១ ឈរនៅលេខ ៣៕
ប្រភព៖ AF