នៅការប្រកួតជុំទី ២ សម្រាប់ពូល A រវាងក្រុមជម្រើសជាតិកូឡុំប៊ី និងវេណេហ្ស៊ុយអេឡាកាលពីព្រឹកមិញ បានបញ្ចប់ទៅក្រោមលទ្ធផលមិនគួរឲ្យជឿគឺ ០-០។ លទ្ធផលនេះសឹងតែគ្រប់គ្នាមិនចង់ជឿ ព្រោះតាមការព្យាករណ៍ទុកជាមុន យ៉ាងហោចណាស់ក៏កើតមានគ្រាប់បាល់ ១ គ្រាប់ដែរ។
ជាការពិតកូឡុំប៊ីមានស្ថិតិគ្រប់គ្រងបាល់ក៏ល្អ ទាំងការស៊ុតក៏ល្អ តែហាក់មិនសំណាង ដោយខ្លះទៅអ្នកចាំទីសង្គ្រោះបាន ខ្លះទៅត្រូវខ្សែការពារប្លុកជាប់ និងខ្លះក៏បាញ់ចោលហោះទៅលើ។ សរុបស្ថិតិរួម កូឡុំប៊ីគ្រប់គ្រង ៦៥ ភាគរយ ស៊ុត ២៣ លើក ចំគោលដៅ ៨ លើក បើធៀបនឹងវេណេហ្ស៊ុយអេឡាគ្រប់គ្រងត្រឹម ៣៥ ភាគរយ ហើយស៊ុត ២ លើកគត់ មិនចំគោលដៅទៀត។ ៨ លើករបស់កូឡុំប៊ីគឺសុទ្ធតែសង្គ្រោះបានដោយអ្នកចាំទី W.Farinez។
ទស្សនាវីដេអូខាងក្រោម៖
បញ្ជាក់ថានៅពូល A បច្ចុប្បន្ន កូឡុំប៊ីឈរលេខ ២ មាន ៤ ពិន្ទុ ខណៈប្រេស៊ីលឈរកំពូលមាន ៦ ពិន្ទុ ហើយវេណេហ្ស៊ុយអេឡាមាន ១ ពិន្ទុក្រោយស្មើយប់មិញ រីឯអេក្វាឌ័រ និងប៉េរូ មាន ០ ពិន្ទុ៕