Serena Williams ដែលបាត់មុខមួយរយៈ ដោយសារសម្រាលកូននោះ ពេលនេះបានត្រលប់មកវិញ ហើយឈានដល់វគ្គផ្ដាច់ព្រ័ត្រថែមទៀតនៅពានរង្វាន់ US Open ។
នៅវគ្គពាក់កណ្ដាលផ្ដាច់ព្រ័ត្រ Williams បានយកឈ្នះលើកីឡាការិនី Anastasija Sevastova ក្នុងលទ្ធផល 6-3 និង 6-0 ដោយប្រើពេលត្រឹម៦៦នាទីប៉ុណ្ណោះ។ ខណៈដែលការប្រកួតនៅវគ្គផ្ដាច់ព្រ័ត្រ នាងនឹងត្រូវប៉ះ
ជាមួយកីឡាការិនី Madison Keys ឬ Naomi Osaka ដោយការប្រកួតរវាងអ្នកទាំងពីរនេះ នឹងធ្វើឡើងនៅថ្ងៃស្អែកនេះ។
កីឡាការិនីវ័យ៣៦ឆ្នាំបាននិយាយក្រោយឡើងដល់វគ្គផ្ដាច់ព្រ័ត្រថា៖ “ខ្ញុំកំពុងលេងបានយ៉ាងល្អ គ្រប់គ្នាបាន
ជួយមកគាំទ្រខ្ញុំ ហើយវាជាកម្លាំងចិត្តសំខាន់ខ្លាំងណាស់។ គាត់ចង់មើលការប្រកួតរបស់ខ្ញុំ ហើយខ្ញុំក៏ចង់
បង្ហាញសមត្ថភាពឱ្យអស់ដល់ពួកគាត់វិញដែរ។ ខ្ញុំបានព្យាយាមហ្វឹកហាត់ខ្លាំងណាស់មុនមកប្រកួតពានរង្វាន់នេះ ដើម្បីស្វែងរកចំណាត់ថ្នាក់ល្អ”៕ប្រភពDailyMail
