ក្រុមបាល់ទាត់ជម្រើសជាតិអ៊ីតាលី បានបង្ហាញសាច់ដុំរបស់ខ្លួនហើយកាលពីយប់មិញនេះ ដោយយកឈ្នះលើក្រុមទួរគីក្នុងលទ្ធផល ៣-០ ឯណោះ។
អ៊ីតាលី សម្រាប់ពានរង្វាន់នេះហាក់ដូចជាបានត្រៀមខ្លួនល្អណាស់។ ពួកគេលេងកន្លងមក៩ប្រកួតមកហើយ មិនដែលបរាជ័យនោះទេ និងបិទដៃគូមិនឱ្យស៊ុតចូលពួកគេថែមទៀត។ ជាក់ស្ដែងការប្រកួតមកដល់នៅយប់មិញ ក្រុមអ៊ីតាលី រកបានដល់ទៅ៣គ្រាប់ ដោយ Demiral ក៏ធ្វើឱ្យចូលទីខ្លួនឯង១គ្រាប់នៅនាទី៥៣។ ឈានដល់នាទី៦៦ Immobile ក៏រកគ្រាប់បាល់បន្ថែមបាន១គ្រាប់ទៀត មុនពេល Insigne ថែមគ្រាប់បាល់ទី៣នៅនាទី៧៩។
នេះជាជ័យជម្នះយក៣ពិន្ទុឡើងទៅឈរក្នុងពូលសិនសម្រាប់អ៊ីតាលី។ ខណៈដែលពូលនេះ ពួកគេនៅជាមួយក្រុមទួរគី ស្វីស និងជម្រើសជាតិវែល៕ប្រភពDailymail
