ខ្សែប្រយុទ្ធ Sergio Aguero បានយល់ព្រមចុះកុងត្រាជាមួយក្រុម FC Barcelona ហើយ ដែលមានកុងត្រារហូតដល់ឆ្នាំ២០២៣ឯណោះ។
បន្ទាប់ពីចំណាយពេល១០ឆ្នាំនៅក្រុម Manchester City ហើយប្រកួតចុងក្រោយភ្លាត់ចាញ់វគ្គផ្ដាច់ព្រ័ត្រពានរង្វាន់ UEFA Champions League ផងនោះ ពេលនេះ Aguero រកបានទ្រនំថ្មីហើយ។ ការចូលរួមជាមួយក្រុម Barcelona នេះ ត្រូវបានកីឡាករអាហ្សង់ទីន ចាត់ទុកថាជាការសម្រេចបានដ៏ល្អមួយ ព្រោះរូបគេបានហៅក្រុមអ្នកមានបុណ្យថាជាក្រុមបាល់ទាត់ល្អបំផុតនៅលើលោកនេះ។
Aguero លេងនៅអង់គ្លេស១០រដូវកាលកន្លងមក បានជួយក្រុមមេឃខៀវ Manchester City ឈ្នះពានរង្វាន់ជាច្រើនផងដែរដូចជា Premier League ៥ដង FA Cup ១ដង League Cup ៦ដង និង Community Shields ចំនួន៣ដងផងដែរ។ រូបគេបង្ហាញខ្លួនបាន៣៩០ប្រកួត និងរកបាន២៦០គ្រាប់៕ប្រភព Marca
