N’Golo Kante រដូវកាលនេះធ្វើបានល្អខ្លាំង ដែលជាចំណែកសំខាន់ជួយឲ្យក្រុម Chelsea ឈ្នះពានរង្វាន់ UEFA Champions League ក្រោយយកឈ្នះ Man City ១-០ កាលពីយប់មិញ។ ខ្សែបម្រើវ័យ ៣០ ឆ្នាំ គេឈ្នះ MOTM ៣ ប្រកួតជាប់គ្នាតាំងពីវគ្គពាក់កណ្ដាលផ្ដាច់ព្រ័ត្រជើងទី ១ ទី ២ និងវគ្គចុងក្រោយនេះ។
ប្រាប់ក្រោយចប់ការប្រកួត Kante និយាយថា៖ “ពិតជាអស្ចារ្យណាស់ ដោយវាជាលទ្ធផលទទួលបានពីការខិតខំប្រឹងប្រែង ក្រោយឆ្លងកាត់ការលំបាកពេញមួយរដូវកាលនេះ ហើយរឿង Man Of The Match ជារឿងទីពីរទេ សំខាន់គឺការរួបរួមជាក្រុម ហើយយើងទទួលបានពានរង្វាន់”។
ពាក់ព័ន្ធនឹងលទ្ធភាពដែលអាចឈ្នះពានរង្វាន់ Ballon d’Or កីឡាករវ័យ ៣០ ឆ្នាំបន្ថែមថា៖ “អត់ទេ សម្រាប់ពេលនេះគឺយើងរីករាយជាមួយ Champions League និងត្រៀមសម្រាប់ Euro ហើយខ្ញុំនឹងទៅចូលរួមជាមួយបារាំង ហើយក៏សង្ឃឹមថាអាចឈ្នះផងដែរ”។
ជាការពិតយើងស្រមៃទុកមុន បើ Kante អាចជួយក្រុមមាន់គកបារាំងឈ្នះពាន Euroទៀតនោះ ជឿថាគេប្រាកដជាអាចមានសង្ឃឹមច្រើនក្នុងការឈ្នះពានបុគ្គល Ballon d’Or ដែលត្រូវប្រកាសនៅចុងឆ្នាំ ២០២១៕
ប្រភព៖ Metro