លោក Ronald Koeman អ្នកចាត់ការក្រុម FC Barcelona ត្រូវបញ្ជូនទៅកាន់មន្ទីរពេទ្យ បន្ទាប់ពីលោកមានបញ្ហាថប់អារម្មណ៍ខ្លាំង អាចឈានដល់គាំងបេះដូង។
គ្រូបង្វឹកសញ្ជាតិហុល្លង់ខាងលើនេះ នៅមិនទាន់ច្បាស់ពីអនាគតរបស់ខ្លួនក្នុងក្លឹប FC Barcelona នោះទេ បើទោះជាកន្លងមកបានជួបជាមួយថ្នាក់ដឹកនាំក្លឹបហើយក៏ដោយ។ ការមិនច្បាស់នេះ បានធ្វើឱ្យលោកមានអារម្មណ៍មិនល្អ និងឈានដល់ថប់ដង្ហើមថែមទៀតដែលតម្រូវឱ្យបញ្ជូនទៅកាន់មន្ទីរពេទ្យភ្លាមៗផងដែរកាលពីម្សិលមិញនេះ។
បើតាមលោក Laporta ប្រធានក្លឹប FC Barcelona បាននិយាយថាលោក Koeman ពេលនេះបានធូរស្បើយច្រើនហើយ មិនមានអ្វីត្រូវបារម្ភនោះទេ។ ប្រធានក្លឹប Barcelona រូបនេះ ក៏មិនបានបញ្ជាក់ច្បាស់ពីអនាគតលោក Koeman ដែរ ត្បិតអីលោកហាក់បីដូចជាចង់បានអ្នកចាត់ការថ្មីមកដឹកនាំក្រុមនៅរដូវកាលក្រោយទៅហើយ៕ប្រភព៖ MARCA
