ដ្បិតបើសុពលភាពកុងត្រារបស់ Cristiano Ronaldo ត្រូវផុតនៅឆ្នាំក្រោយ ២០២២ ប៉ុន្តែលោកហាក់សម្រេចចិត្តចាកចេញត្រឹមរដូវក្តៅ ឆ្នាំ ២០២១ នេះហើយ ពោលគឺការសម្រេចចិត្តកើតឡើងក្រោយទម្រង់លេងរបស់ Juventus មានការធ្លាក់ចុះខ្លាំង និងមិនបានឈ្នះពានរង្វាន់ធំណាមួយទាល់តែសោះនៅរដូវកាលនេះ។
បើតាមរបាយការណ៍ពី II Messaggero ចុះផ្សាយថា តារាឆ្នើមសញ្ជាតិព័រទុយហ្គាល់បានសម្រេចចិត្តចាកចេញពីក្លឹបហើយ ដោយគេក៏បានផ្ញើសារនិងនិយាយពាក្យ លា ទៅកាន់មិត្តរួមក្រុមរបស់គេនៅក្លឹបក្នុងទីក្រុង Turin ហើយដែរ បន្ទាប់ពីចំណាយពេល ៣ ឆ្នាំនៅទីនោះ។
បុរសវ័យ ៣៦ ឆ្នាំ ដែលឈរឈ្មោះជា Top Scorer នៅ Serie A រដូវកាលនេះ ក៏មិនទាន់ច្បាស់នោះដែរ ថានឹងសម្រេចទៅក្លឹបថ្មីណាមួយ តែតាមភាគរយជឿជាក់គឺអាចជា Man Utd ដែលភាគីទាំងសងខាងបានចរចាទាក់ទងគ្នាតាំងពីខែមេសាមកម្ល៉េះ។
រំឭកដែរថា Juventus បានចូលរួម ១៣៣ ប្រកួតជាមួយក្លឹបសេះបង្កង់ ដោយរកបាន ១០២ គ្រាប់និង Assist ២២ លើក។ តម្លៃផ្ទេរចេញរបស់បុរសវ័យ ៣៦ ឆ្នាំនៅពេលខាងមុខ អាចថ្លៃប្រមាណ ២៥ លានអឺរ៉ូ៕
ប្រភព៖ BeSoccer