ក្រុម FC Barcelona បានឡើងទៅលើកំពូលតារាងហើយ ក្រោយពីយកឈ្នះលើក្រុម Huesca ក្នុងលទ្ធផល ៨-២ នាសប្ដាហ៍ទី៣លីគកំពូលអេស្ប៉ាញ។
ការប្រកួតយប់មិញនេះនៅដីខ្លួនឯង Barcelona ពិតជាធ្វើបានល្អមែន និងធ្វើឱ្យអ្នកគាំទ្រសប្បាយចិត្តនឹងទស្សនា ក្នុងការប្រកួត១ដែលមានគ្រាប់បាល់ដល់១០គ្រាប់នោះ។
Lionel Messi និង Suarez សុទ្ធតែរកគ្រាប់បាល់បានទាំងអស់ នាការប្រកួតនេះ និងបាននាំក្រុមឡើងឈរកំពូលតារាង ដោយឈ្នះក្រុម Real Madrid គ្រាប់បាល់ចំណេញ ព្រោះ៣ប្រកួតឈ្នះទាំង៣ដូចគ្នា។
លោក Leo Franco អ្នកចាត់ការក្រុម Huesca បាននិយាយចំពោះការប្រកួតយប់មិញថា វាជារឿងមួយដែលមិនអាចទទួលយកបាន។
ក្រុមរបស់លោកបាត់បង់ម្ចាស់ការនៅតង់ទី២ ដែលធ្វើឱ្យ Barcelona រកគ្រាប់បាល់បានយ៉ាងច្រើនដូច្នេះ។ យ៉ាងណាមិញនេះជាមេរៀនមួយសម្រាប់ក្រុម ដើម្បីសិក្សានៅពេលលេងជាមួយក្រុមខ្លាំងៗដូច Barcelona ៕ប្រភព៖ DailyMail