បន្ទាប់ពីឈ្នះ ៣ ដងជាប់គ្នាគួរឲ្យសរសើរ Roshan Mainam គ្រោងបង្កើតផែនការយកឈ្នះ ៤ លើកជាប់គ្នាទល់នឹងរៀមច្បងរួមជាតិឥណ្ឌាម្នាក់ទៀត។ តារាឥណ្ឌាកំពុងកូដនឹងជួបសិស្សច្បងរួមជាតិ Gurdarshan “Saint Lion” Mangat នៅកម្មវិធី ONE: DANGAL ដែលត្រូវផ្សាយចេញពីកីឡដ្ឋាន Singapore Indoor Stadium កាលថ្ងៃសៅរ៍ទី ១៥ ខែ ឧសភា ខាងមុខ។
Mainam បានថ្លែងថា៖«ខ្ញុំមិនដែលរំពឹងថាឡើងជួប Gurdarshan Mangat នោះទេ។ បែបណាក្ដី ខ្ញុំកំពុងទន្ទឹងរង់ចាំការប្រកួតនេះ។ ដោយស្មោះត្រង់ទៅ ខ្ញុំពិតជាស្ទាក់ស្ទើរក្នុងការជួបរូបគេមែន ប៉ុន្តែ ក្រុមគ្រូបង្វឹក និង ONE Championship បានផ្ដល់ការទទួលខុសត្រូវមកលើខ្ញុំ ហើយ ខ្ញុំនឹងធ្វើឲ្យល្អបំផុតនៅលើសង្វៀន»។
Mangat បានជួប “Saint Lion” កាល ៤ ឆ្នាំកន្លងទៅនៅកម្មវិធីប្រកួតមួយឯប្រទេសឥណ្ឌា។ កាលនោះ “The Indian Notorious” គឺជាជើងឯកចំបាប់វ័យក្មេងដែលទើបចាប់ផ្ដើមអាជីពក្នុង ក្នុងពិភពគុនចម្រុះ។
គេដើរតាមគន្លងរបស់កីឡាករជើងចាស់រូបនេះ ដូច្នេះ ទើបគេមានឱកាសប៉ះគ្នានៅលើសង្វៀន។
Mainam បន្ថថា ៖«យើងទាំងពីរនាក់បានចូលរួម Super Fight League កាលឆ្នាំ ២០១៧ ហើយខ្ញុំពិតជាតរំភើបណាស់ដែលជួបគាត់។ ក្រោយមក យើងបានស្គាល់គ្នាច្បាស់ណាស់។ គាត់ដូចជាបងប្រុសរបស់ខ្ញុំអីចឹង។ គាត់មានបទពិសោធន៍ច្រើន និង គាំទ្រដល់ខ្ញុំច្រើនណាស់។
ជាក់ស្ដែងទៅ បុរសវ័យ ៣៤ ឆ្នាំ Mangat ជាមនុស្សម្នាក់ដែលលើកទឹកចិត្តដល់បុរសវ័យ ២៥ ឆ្នាំ Mainam ឲ្យចូលរួមក្លិប Evolve MMA នៅសិង្ហបុរីកាលខែ វិច្ឆិកា ឆ្នាំ ២០១៨។
“The Indian Notorious” បានសម្ដែងការគោរពដល់គ្រូរបស់គេ ហើយគេនឹងទុកមិត្តភាពឲ្យនៅម្ខាងនៅពេលពួកគេទាំងពីរប៉ះគ្នានៅលើសង្វៀន។
បែបណាក្ដី ពេលនេះ តារាវ័យក្មេងផ្ដោតរឿងមួយមុខគត់ គឺផ្ដួល “Saint Lion” ដែលជាជើងខ្លាំងម្នាក់ក្នុងអាជីពគុនចម្រុះ ពោល តារាជើងចាស់ឈ្នះ ១៥ ដង និងចាញ់ ៣ ដង ក្នុងនោះ ៦៦ ភាគរយបញ្ចប់គូប្រកួតឲ្យចុះចាញ់។
Mangat ដែលហ្វឹកហាត់នៅក្លិប Xtreme Couture និង 10th Planet Las Vegas នៅអាមេរិកនោះបានប្រើជំនាញរបស់ខ្លួននៅសង្វៀនលំដាប់ពិភពលោកយ៉ាងល្អ ពេលបញ្ចប់អតីតកីឡាករប្រជែងខ្សែក្រវាត់ ONE World Title , Toni “Dynamite” Tauru និងតារាឥណ្ឌូណេស៊ី Abro “The Black Komodo” Fernandes នាពេលកន្លងទៅ។
ជ័យជម្នះពីរលើកនេះ ដែលនាំឲ្យរូបគេឡើងប៉ះ Mainam។
សិស្សគុន Evolve បានពិពណ៌នាថា ៖«Gurdarshan ជាកីឡាករល្អម្នាក់ ហើយ គេមានបទពិសោធន៍ច្រើនជាងខ្ញុំ។ ពេលខ្ញុំចូលរួមប្រកួត MMA គេមានបទពិសោធន៍ជាច្រើនរួចទៅហើយ។ ដូច្នេះ ខ្ញុំគិតថា ការប្រយុទ្ធ និងបទពិសោធន៍របស់គេជាភាពខ្លាំងដ៏ធំមួយ»។
ប៉ុន្តែ Mainam ជឿជាក់ខ្លាំងលើស្នៀតចំបាប់ដ៏មានប្រសិទ្ធភាពរបស់ខ្លួន។
កីឡាករវ័យក្មេងឥណ្ឌាបញ្ចប់គូប្រកួតឲ្យចុះចាញ់ទាំង ៣ លើកនៅសង្វៀនលំដាប់ពិភពលោ បូករួមទាំងភាពស្ទាត់ជំនាញក្បាច់ជឺជិតស៊ូទៀតផង។
បើសិនដូចការរៀបចំមែន “The Indian Notorious” នឹងកាន់តែលេចធ្លោថែមទៀតនៅសង្វៀន ONE។ «យើងនឹងចាំមើលថាធ្វើបានល្អកម្រិតណា? បើសិនមានឱកាស ខ្ញុំនឹងបញ្ចប់គាត់ឲ្យចុះចាញ់ដូចប្រកួតមុនៗអីចឹង»។
ជាក់ស្ដែង Mainam បានដឹងថាវាមិនងាយស្រួលប៉ុន្មានទេ។ Mangat ជាកីឡាកររឹងមាំ និងចង់ស្ដាតកិត្តិយសឡើងវិញផងដែរ ក្រោយចាញ់កីឡាករលំដាប់ទី៥ទម្ងន់ flyweight , Reece “Lightning” McLaren ក្នុងការប្រកួតចុងក្រោយ។
អ្នកទាំងពីរនឹងប្រកួតទម្ងន់ ៦៥ គីឡូក្រាម(ទម្ងន់ catchweight) នៅសង្វៀន ONE: DANGAL ហើយពួកគេសុទ្ធតែសម្លឹងទៅដណ្ដើមខ្សែក្រវាត់ ONE Flyweight World Title នាពេលខាងមុខ។
Mainam សង្កត់ធ្ងន់ថា ៖«យើងនឹងប្រឈមមុខដាក់គ្នា ១៥ នាទី ក្នុងការប្រកួតដើម្បីបង្ហាញអំពីកាតព្វកិច្ចរបស់យើងក្នុងនាមកីឡាករអាជីព។ ខ្ញុំមិនគិតថា លទ្ធផលនឹងមិនប៉ះពាល់ដល់ទំនាក់ទំនងរបស់យើងទាំងពីរនោះទេ»។