នៅយប់នេះវេលាម៉ោង ០២:០០ នាទីរំលងអាធ្រាត្រ ឈានចូលព្រឹកថ្ងៃពុធ ទី ៥ ឧសភា ក្រុម PSG នឹងត្រូវចូលជួបក្រុមម្ចាស់ផ្ទះ Man City នៃជំនួបជើងទី ២ វគ្គពាក់កណ្តាលផ្តាច់ព្រ័ត្រ UCL មានផ្សាយផ្ទាល់លើទំព័រ CTS Sports។
មុនឈានដល់ការប្រកួតកីឡាករសំខាន់របស់ PSG គឺ Neymar Jr ក៏បានបញ្ជាក់នូវពាក្យសម្តីមួយចំនួន ដែលជាការដាស់តឿនស្មារតីមិត្តរួមក្រុម និងបង្ហាញពីក្តីសង្ឃឹមដល់អ្នកគាំទ្ររបស់ខ្លួន។
កីឡាករប្រេស៊ីលបាននិយាយនៅសន្និសីទសារព័ត៌មានក្រោយហោះមកដល់ទីក្រុង Manchester បែបនេះថា៖ “វាជាការប្រកួតដ៏ពិបាកមួយទល់ Manchester City តែយើងត្រូវតែមានការជឿជាក់ ដោយមិនគិតអំពីស្ថិតិដែលនិយាយពីឱកាសនៃការឈ្នះរបស់ពួកយើងទាបកម្រិតណានោះទេ”។
លោកបន្ត៖ “ដោយប្រជាជននៅប៉ារីសទាំងអស់ជឿជាក់លើពួកយើង ហើយខ្ញុំគឺជាអ្នកចម្បាំងជួរមុខនៅក្នុងសង្រ្គាមមួយនេះ ដោយខ្ញុំនឹងធ្វើឲ្យបានល្អជាទីបំផុត ដើម្បីឆ្ពោះទៅកាន់វគ្គផ្តាច់ព្រ័ត្រ បើទោះបីជាត្រូវអស់ជីវិតលើទីលានក៏ដោយ”៕
ប្រភព៖ AF