សហព័ន្ធបាល់ទាត់ទ្វីបអឺរ៉ុប បានបញ្ជាក់ថានឹងប្រើប្រាស់វីដេអូជំនួយអាជ្ញាកណ្ដាល (VAR) ចាប់ពីរដូវកាលក្រោយទៅ បន្ទាប់ពីបានសិក្សាយ៉ាងច្បាស់លាស់រួចមក។
ក្រុមប្រឹក្សារបស់ UEFA បានជួបពិភាក្សាគ្នារួចរាល់ហើយ ចំពោះគម្រោងប្រើប្រាស់ VAR នេះ។ ដោយពួកគេមើលឃើញគុណសម្បត្តិរបស់វាថា នឹងជួយឱ្យការប្រកួតកាន់តែយុត្តិធម៌បន្ថែមពីលើការមើលឃើញរបស់អាជ្ញាកណ្ដាលថែមទៀត។ លោក Aleksander Ceferin ប្រធាន UEFA បានបញ្ជាក់ថាការដាក់ឱ្យប្រើប្រាស់ VAR នឹងធ្វើឡើងរដូវកាលក្រោយ ចាប់ពីវគ្គ៣២ក្រុមទៅ។ ដោយឡែកសម្រាប់វគ្គជម្រុះដំបូងវិញ នឹងមិនប្រើប្រាស់ឡើយ។
សូមបញ្ជាក់ថា VAR នេះត្រូវបានសហព័ន្ធបាល់ទាត់ពិភពលោក FIFA ដាក់ឱ្យប្រើប្រាស់អំឡុងពេល World Cup 2018 នៅប្រទេសរុស្ស៊ី ហើយក៏ទទួលបានជោគជ័យច្រើនមែនទែន។ លីគបាល់ទាត់នៅប្រទេសធំៗមួយចំនួនក៏កំពុងគិតគូរចំពោះការដាក់ប្រើប្រាស់ប្រព័ន្ធនេះដែរ៕ប្រភព៖ dailymail