នៅការប្រកួតជើងទី ២ រវាង Dortmund និង Man City ក្រុមអង់គ្លេសនៅតែបន្តបន្ថែមការរកគ្រាប់បាល់ ហើយយកឈ្នះ ២-១ នាំឲ្យគ្រាប់បាល់សរុបទាំងពីរជើងគឺ ៤-២។
ការប្រកួតនៅឯកីឡដ្ឋានក្នុងទឹកដីប្រទេសអាល្លឺម៉ង់ យើងឃើញថា City បានកៀបទៅលើក្រុមម្ចាស់ផ្ទះមិនសំចៃដៃ ដោយពួកគេគ្រប់គ្រងបាល់ ៦២ ភាគរយ ស៊ុត ១៧ លើក ចំគោលដៅ ៥ លើក ធៀបនឹងក្រុមម្ចាស់ផ្ទះមានសាច់បាល់ ៣៨ ភាគរយគត់ តែក៏មានឱកាសស៊ុត ១០ លើក និងចំគោលដៅ ៣ លើក។
គ្រាប់បាល់កើតឡើងនៅនាទី ១៥ តាមរយៈបាល់ ១១ ម៉ែត្រធ្វើបានដោយ Jude Bellingham ហើយនៅនាទី ៥៥ City ទទួលបានបាល់ ១១ ម៉ែត្រវិញ ធ្វើបានដោយ Riyad Mahrez។ លុះដល់នាទី ៧៥ Phil Foden បន្ថែមមួយគ្រាប់ និងរក្សាលទ្ធផលឈ្នះដល់បញ្ចប់ការប្រកួត៕
ទស្សនាវីដេអូខាងក្រោម៖
https://www.youtube.com/watch?v=NT1bbmTqprs
គួររំឭកថា សម្រាប់ City នេះគឺជាលើកដំបូងហើយនៅរយៈពេល ៥ ឆ្នាំចុងក្រោយដែលអាចឡើងមកកាន់វគ្គ ៤ ក្រុមចុងក្រោយ UCL។ ដោយលើកចុងក្រោយគឺនៅឆ្នាំ ២០១៦ កាលនោះ City ធ្លាក់ត្រឹមវគ្គនេះ ក្រោមលទ្ធផល ១-០ ទល់ Real Madrid៕