បន្ទាប់ពីបានឡើងទៅវគ្គ៤ក្រុមចុងក្រោយហើយ លោក Thomas Tuchel បានអះអាងថាចង់ប៉ះជាមួយក្រុម Real Madrid ជាជាងប៉ះក្រុម Liverpool ។
ចាញ់ Porto ១-០ នៅជើងទី២មែន ប៉ុន្តែក្រុមតោខៀវនៅតែឡើងទៅវគ្គបន្ទាប់ដដែល ព្រោះពួកគេឈ្នះជើងទី១ ក្នុងលទ្ធផល ២-០ ទៅហើយ។ ដោយការទៅវគ្គ៤ក្រុមចុងក្រោយនេះ ក្រុមរបស់លោក Thomas Tuchel នឹងប៉ះក្រុមមួយក្នុងចំណោម Real Madrid ឬ Liverpool ដែលនឹងត្រូវប្រកួតគ្នានៅយប់នេះ។
បើតាមលោក Tuchel បានអះអាងថាលោកចង់ប៉ះ Real Madrid ច្រើនជាង។ លោកមិនចង់ប៉ះក្រុមនៅលីគជាមួយគ្នានោះទេ ដូច្នេះហើយក្រុមអធិរាជសគឺជាជម្រើសដ៏ល្អបំផុតហើយ។ រំលឹកថាក្រុម Chelsea បានឡើងទៅវគ្គនេះជាលើកដំបូង ក្រោយខកខានតាំងពីឆ្នាំ២០១៤មក៕
ប្រភព៖ DailyMail