ក្លឹបហង្សក្រហម Liverpool ត្រូវបានគេរាយការណ៍ថា កំពុងចាប់អារម្មណ៍លើខ្សែបម្រើវ័យក្មេងរបស់ក្លឹប Barcelona នោះគឺ Pedri ដោយចង់នាំយកគេមក Anfield នៅទីផ្សារដោះដូររដូវក្តៅ។
យុវជនវ័យ ១៨ ឆ្នាំ បានចូលរួមការបង្ហាញខ្លួន ៤៤ ប្រកួតសរុបឲ្យអ្នកមានបុណ្យរដូវកាលនេះ ដោយអាចរាប់ថាគេជាចំណែកខ្វះពុំបានមួយរបស់លោក Ronald Koeman មិនថាតែការលេងនៅឈុត ១១ នាក់ដំបូង និងជម្រើសនៅកៅអីបម្រុង។
យ៉ាងណាតាម The Mirror បានចុះផ្សាយ Pedri គេអាចមានតម្លៃ ៧០ លានផោននៅពេលខាងមុខ ហើយ Liverpool ពិតជាចង់បានគេជាខ្លាំង តែការសម្រេចរបស់ក្លឹបនៅតំបន់កាតាឡូញ៉ាបែបណានោះ មិនទាន់ជាច្បាស់នៅឡើយ តែតាមតម្រុយគឺក្រុមម្ចាស់ដី Camp Nou ចង់អូសទាញគេឲ្យបន្តកុងត្រាថ្មីច្រើនជាង។
រំឭកថា Pedri ត្រូវផុតកុងត្រានៅខែមិថុនា ឆ្នាំ ២០២២ ពោលគឺសល់រយៈពេល ១ ឆ្នាំទៀតមុនគេក្លាយជាកីឡាករឥតតម្លៃខ្លួន។ បែបនេះបើសាមីខ្លួនច្បាស់ថាចង់បន្តនៅ នោះគេអាចនឹងចុះហត្ថលេខាត្រឹមបញ្ចប់រដូវកាលនេះ តែបើគេរាងមានចិត្តរារេចង់ចាកចេញទៅស្រវារកបទពិសោធន៍នៅក្លឹបថ្មី នោះប្រហែលជាស៊ូចាំដល់អស់កុងត្រាក៏ថាបាន៕
ប្រភព៖ Sportsmole