Daniele De Rossi អតីតកីឡាករជម្រើសជាតិអ៊ីតាលី ត្រូវបញ្ជូនទៅកាន់មន្ទីរពេទ្យក្រោយពីមានអាការៈធ្ងន់ធ្ងរ ដោយសារតែឆ្លងមេរោគកូវីដ១៩។
អតីតកីឡាករលេងនៅក្លឹបអាជីព Roma ខាងលើនេះ បច្ចុប្បន្នកំពុងធ្វើការជាគ្រូជំនួយរបស់លោក Roberto Mancini នៅជម្រើសជាតិអ៊ីតាលី។ លោកបានឆ្លងមេរោគកូវីដ១៩នេះ អំឡុងពេលក្រុមជម្រើសជាតិអ៊ីតាលីលេងនៅព្រឹត្តិការណ៍ជម្រុះ World Cup កន្លងទៅ។
បុរសវ័យ៣៧ឆ្នាំនេះ វិជ្ជមាននៅថ្ងៃទី៣១ ជាមួយបុគ្គលិកក្រុមការងារគ្រូបង្វឹក២នាក់ដទៃទៀតក៏ឆ្លងដែរ។ ដោយសារតែស្ថានភាពសម្រាកព្យាបាលនៅផ្ទះមិនធូរស្បើយ ទើបពេលនេះ Rossi ត្រូវបានបញ្ជូនទៅកាន់មន្ទីរពេទ្យទៅហើយ។
រំលឹកថាកាលពីប្រកួតឱ្យជម្រើសជាតិកន្លងទៅនោះ ក្រុមជម្រើសជាតិអ៊ីតាលីច្រើននាក់ណាស់បានឆ្លងមេរោគកូវីដ១៩ ដោយគ្រាន់តែកីឡាករមានដល់ទៅ៨នាក់ហើយគឺ Leonardo Bonucci, Alessio Cragno, Alessandro Florenzi, Marco Verratti, Vincenzo Grifo, Federico Bernardeschi, Salvatore Sirigu និង Matteo Pessina៕ប្រភព Marca
